Kontratazioa

Enpleatzailea derrigortuta dago lan-kontratua idatziz egitera?
Legeak idatziz edo hitzez egin daitekeela dio. Baina langileak eskatuz gero idatziz egin behar diote, nahiz lanean hasterakoan nahiz hasitakoan eskatu.
Enpleatzaileak kontratua idatziz emateari uko egiten badio lan ikuskaritzan sala daiteke.

Sakatu hemen kontratu eredua deskargatzeko

Zein abantaila dauka kontratua idatziz egiteak?
Idatzizko kontratua alderdi bientzat da baliogarria lan baldintzak frogatzeko: ordutegia, soldata edo beste edozer. Gainera langileak behar duen guztietan soldatapeko langilea dela frogatzeko balio du, esatebaterako bankuan kredito bat eskatzeko.

Zer da nomina?
Langileak hilabetero jasotzen duen soldata agertzen duen dokumentua da. Etxe-langileentzat nomina eredu berezia dago, Eusko Jaurlaritzako Lan Sailak 1993eko uztailean onartua.

Sakatu hemen nomina eredua deskargatzeko

Derrigorrezkoa al da etxe-langile bati nomina ematea?
Bai, enpleatzailea derrigortuta dago nomina ematera, non soldata eta kenketarik balego ondo zehaztuta azaldu behar diren.
Beraz langileak eskubidea du nomina eskatzeko eta ez badiote ematen Lan Ikuskaritzan sala dezake.

Joan daiteke etxe-langile bat Enplegu Zerbitzu Publikoetara lana eskatzera?
Bai, Enplegu Zerbitzuek aurreikusita daukate etxeko langileak sartzea enplegu-eskatzaile gisa.

Enplegu agentzia pribatuak legezkoak al dira?
Bakar-bakarrik dira legezkoak INEMek baimendutakoak. Debekatuta egonik ere etxeko langileen kontratazioan espezializatutako hainbat enplegu-agentzia dago. Ez da legezkoa agentziak soldataren zati bat hartzea, edota langileak eta enplegatzaileak zuzenean kontratatzekotan kalteordaina hartzea. Agentziekiko arazorik edo zalantzarik baduzu, Elkartearengana jo ezazu.

Kontratazioa	Kontratuaren bukaera
Lansaioa	Gizarte segurantza
Lan-saria	Erreklamazioak